Mō Te Tai
He hōtaka kōrero pūrākau matihiko a Te Tai e whai ana ki te whakapiki i te māramatanga mō ngā wā o mua mā te hōpara i ngā whakataunga Tiriti me ngā whakaaweawe pūmau. Ka whakapūmau a Te Tai i ngā kōrero o ngā iwi me ngā tāngata i whai wāhi ki ngā mahi matua o ngā whakataunga mā ngā uiuinga ataata-rongo, ā, ka tā hoki i ngā hītori rongorau he māmā te toro atu, ka mutu ko ngā kōrero kua tāia he mea pono, he mea kua rangahaua.
Mā ēnei kōrero e mārama ai ko wai tātou hei whenua, he mea āwhina hoki tēnei i a ngāi Aotearoa kia ngātahi ai te hoe whakamua.
Te Tiriti o Waitangi
E whakaae nui ana Te Tai, ko te Tiriti o Waitangi te manawa o tēnei kaupapa. Ka mau tonu te mana whakatau i ngā huihuinga kōrero mō te Tiriti, me te mārika o te māramatanga o tō tātou hītori motuhake ki Aotearoa katoa.
Ko te tūmanako kia noho tonu mā Te Tai e hiki ake te mana me te kounga o ngā whakatau o te Tiriti i ēnei rā, ā tae atu ki ngā huihuinga-tangata āpōpō.
Mātauranga
E āwhina ana Te Tai i ētahi whakaaturanga rauemi whakawhitiwhiti a-mātauranga, māngā tauira me ngā kaiako tahi e whakaako ana mā te reo Māori me te reo Ingarihi. Ko ngā rauemi ka hāngai atu ki te New Zealand Curriculum me e Marautanga o Aotearoa.
Te tai whakaea
I whakaingoatia te kaupapa nei hei pupuri i te āhua tata nei o ngā iwi o Aotearoa ki ngā whenua me ngā moana, ā hei whakatau anō hoki i te kupu-tika, arā kua hua mai i ngā kerēme o Waitangi me ōna whakatau ki a rāua tahi, he huarahi hou kei mua hei takahitanga atu āpōpō. Kua whakarāpopototia te ingoa ki Te Tai.